Iza ireo

        Iza ireo e ! Zovy koa !
        Avy aiza no tany niaviana.
        Aiza ho aiza fa tena mahaliana.
        Ny fitafy e !e ! hafa kely e !
        Ny fandihy e !e ! mahavariana.
        Avy aiza e ! e ! ia (x2)

        Tsy hafa akory.
        Fa izahay no Malagasin'i Madagasikara.
        Ka diniho ary mba fantaro tsara.
        Ny fitafy e nentin-drazanay e !
        Ie e ny fandihy e ! tsy nindraminay e !
        Fa malagasy e !e ! ia (x2)

        Ao Afrika antsinana ao no misy anay e !
        Atopatopan'ny onjan-drano izy izay e !
        Kanefa tsy izay no lazaina hoe manirery
        Manana havana maro be ka tsy very
        Ny havany akaiky dia i Afrika
        Iray ra aminy raha adika
        Ny havan-davitra koa dia maro
        Izay no paraky miampy laro
        O ! ry lahy e ! O re roy e ! e !
        Manan-jara a ! a !
        O ! ry lahy e ! O re roy e ! e !
        Gasikara a ! a !
        O ry lahy e ! e ! O re roy e !e !
        Mana-tiana a ! a !
        O ! ry lahy e !e !O re roy e !e !
        Tsy mangina a ! a !

        Izany izy rehefa mandihy.
        Misoratsoratra kanto ery.
        Ny lambaoany e ! e !
        Izany izy raha milalao.
        Maresadresaka toy izao.
        Ka hafa ihany a !a !

        Iza ireo e ! Zovy koa !
        Avy aiza no tany niaviana.
        Aiza ho aiza fa tena mahaliana.
        Ny fitafy e !e ! hafa kely e !
        Ny fandihy e !e ! mahavariana.
        Avy aiza e ! e ! ia (x2)

Parole et musique : Rakotomavo Gabriel
dit Dadagaby " Voninavoko "

        AVOKO

        Avoko anie aho ka avoko e !
        Avoko eny an-tampon-tanety e !
        Ny raviny soa lemademaka e !
        Ny voany voa mahareta e !
        Mahareta raha hiady aminay hianareo ô !
        Eny a ! ndeha mba hilalao ô !ô !ô ! lahy e !
        Eny a ! ndeha mba hilalao ô !ô !ô ! roy e !

        Valala eny aho ka valala e !
        Valala eny an-tampon-tanety e !
        Ny lahy lasa nisitaka e !
        Ny vavy koa tsy nitranga ô nankaiza e !
        Eny a ! ndeha mba hilalao ô !ô !ô ! lahy e !
        Eny a ! ndeha mba hilalao ô !ô !ô ! roy e !

        Akoho anie aho ka akoho e !
        Akoho kely latsaka an-kady e !
        Hanidina aho tapak'elatra e !
        Haneno anie aho kely feo ô re roy e !
        Eny a ! ndeha mba hilalao ô !ô !ô ! lahy e !
        Eny a ! ndeha mba hilalao ô !ô !ô ! roy e !

Chant des ancêtres