"A Madagascar les rivières sont rouges du sang de la terre ... "
"The rivers of Madagascar are red because of the blood of the earth ..."
Mivarina any an-dranomasina ny rano ô
Ndra Onilahy, ndra Menarandra
Mivarina any an-dranomasina ny rano ô
Na ilay Mania, na i Mananara
Mivarina any an-dranomasina ny rano ô
Na ny any avaratra
na ny any antsimo
Na ny any antsinanana
na ny any andrefana
Ny ranon'i Gasikara menamena
Na i Pangalana,
na Mangoro
Mivarina any an-dranomasina
ny rano ô
Na i Bemarivo, na i
Sambirano
Mivarina any an-dranomasina
ny rano ô
Na i Mangoky, na i Mandrare
Mivarina any an-dranomasina
ny rano ho'aho e
Nankaiza ny ala, nankaiza ny ala
"Tompokolahy sy Tompokovavy
Ny resaka hatao antsika
mianakavy
Dia momba ny : "Doro-tanety
sy tavy"
'Reo mpandinika maro
namakafaka
Ny amin'ny voka-dratsy
aterakin'ny afo
Hatry ny ela be no efa
nanambara
Fa ho fongana ny ala
eto Gasikara
Noho ny : "Doro-tanety
sy tavy"
Faty antoka ho antsika
mianakavy
Ireo 'zay mbola mampiasa
azy
Sokajiana ho anisan'ny
mpamosavy
Tsy maintsy ho saziana
fa olon-dratsy"
Nankaiza ny rano, nankaiza ny rano
"Eritrereto kely
Ny fijaliana hahazo
anao
Raha ny akanjonao ireny
No dorana eny an-koditrao
Dia tifirina rano am'izay
Mba hitsovaka ilay nofonao
efa may
Fantatrao ts'isy hafa
amin'izany
Ny mahazo ny tany
Noho ny : >"Doro-tanety
sy tavy"
Jereo fa kila mangadihady
Ts'isy zava-maniry mba
miaro azy
Ka faohin'ny rivotra
kaohin'ny rano
Lasa ranom-potaka :
io no mandoto ny renirano !"
Ny ranon'i Gasikara menamena